कालोबजारी आरोपमा भक्तपुरबाट ७ हजारमा ग्यास बेच्ने एक जना पक्राउ
खाना पकाउने एलपी ग्यासमा उच्च मूल्य लिई कालोबजारी गरेको आरोपमा भक्तपुरबाट एक जना पक्राउ परेका छन्।
पक्राउ पर्नेमा चाँगुनारायण नगरपालिका वडा नं. २ दुवाकोट बारुदखाना चोकस्थित भाडामा बस्दै आएका ५७ वर्षीय तुलसीराम त्वयना रहेका छन्।
उपभोक्ताहरूलाई प्रति सिलिन्डर रु. ७ हजारका दरले ग्यास बिक्री वितरण गरिरहेको गोप्य सूचनाका आधारमा प्रहरी टोलीले उनलाई नियन्त्रणमा लिएको हो। जिल्ला प्रहरी परिसर भक्तपुरबाट खटिएको टोलीले चेकजाँच तथा अनुगमन गर्ने क्रममा उनको डेराबाट ३ थान ग्यास सिलिन्डर समेत बरामद गरेको छ।
घटनाबारे थप अनुसन्धान कार्य भइरहेको जिल्ला प्रहरी परिसर भक्तपुरले जनाएको छ।
विज्ञापन
यहाँको लागि एडमिनमा ब्यानर थप्नुहोस्
