पूर्वप्रधानमन्त्री डा. बाबुराम भट्टराई अस्पताल भर्ना, स्वास्थ्य अवस्था सुधारोन्मुख
पूर्वप्रधानमन्त्री डा. बाबुराम भट्टराई अस्वस्थ भएपछि काठमाडौंको धापासीस्थित ग्रान्डी अस्पतालमा भर्ना भएका छन्।
उनकी छोरी मानुषी भट्टराईका अनुसार मंगलबार बेलुका चक्कर लाग्ने र वान्ता हुने समस्या देखिएपछि उनलाई अस्पताल लगिएको हो।
चिकित्सकहरूले डा. भट्टराईमा बेनाइन पारोक्सिस्मल पोजिसनल भर्टिगो (BPPV) को लक्षण देखिएको बताएका छन्। मानुषीका अनुसार अन्य सबै स्वास्थ्य परीक्षणको रिपोर्ट सामान्य आएको छ।
हाल डा. भट्टराईको स्वास्थ्य अवस्था सुधारोन्मुख रहेको र चिकित्सकको निगरानीमा उपचार भइरहेको उनले जानकारी दिएकी छन्।
विज्ञापन
यहाँको लागि एडमिनमा ब्यानर थप्नुहोस्
