दोस्रो दिन पनि अस्पतालका नियमित सेवा ठप्प

नारायणी अस्पतालमा चिकित्सकमाथि भएको आक्रमणको विरोधमा दोस्रो दिन पनि देशभरका अस्पतालमा आकस्मिकबाहेकका अधिकांश स्वास्थ्य सेवा बन्द रहेका छन्।

नेपाल चिकित्सक संघको आह्वानमा ओपीडी, नियमित स्वास्थ्य परीक्षण, शल्यक्रियालगायत सेवाहरू स्थगित हुँदा उपचारका लागि अस्पताल पुगेका धेरै बिरामी प्रभावित भएका छन्।

चिकित्सक तथा स्वास्थ्यकर्मीमाथिको आक्रमण र अस्पताल परिसरमा भएको तोडफोडमा संलग्न दोषीमाथि सरकारले प्रभावकारी कानुनी कारबाही नगरेको भन्दै संघले आन्दोलनलाई निरन्तरता दिएको जनाएको छ।